3D打印革命迷思?
外國近年成日吹話3D打印是第二次工業革命, 産品在家打印(生產)咁話, 其實歸根又是華爾街財技, 兩大國家級3D打印機公司集資, 一定要給市場投資者呀基金呀一個遠景(過去未有, 現在快有, 將來一定有!)....云云, 信就值幾十億美金架啦!
有人話未普及係價錢問題啫！咁係唔係?
我們四年多前$9999人民幣買入這台3D打印機, 不停用了四年幾, 今天同規格的$3500已買到, 問我抵唔抵, $9999已是超抵, 有無用? 超有用! 所有Tiny配件其實也是經它打印出來試玩才起模的
以前做一個垃圾筒首辨, 報價一星期, 等師父做兩三星期, 價錢...哈哈$1500人仔
之後佢嘅出現, 做一個垃圾筒首辨, 入跟機軟件5分鐘, 機頭heatup 3分鐘, 打印三小時, 人手剪邊15分鐘, 夾埋半天, 價錢? 電? 料?$20HKD 加designer半小時人工輸出同剪邊, $100HKD
係呀, 一個垃圾筒時間便省了三星期變四小時, 錢由 $1700變$100
所以在公司角度真係開發時間上革命! 但普及至家庭用? 又未wor, 個Key有幾多朋友不是designer又識畫3D垃圾筒?
如果比喻whatsapp如揸碰碰車, 大人小朋友老人家都識, Microsoft word如揸私家車, 大部份成人考半年牌便識, 咁3D software如Rhino, solidworks就一定如揸直升機....咁點革命? 所以即使現在3D打印機已經平到PS4咁嘅價錢, 但無朋友見面問"近排打印左乜呀?"因為用3D軟件畫模型唔係幾個月就識
而Tiny 煞神, 雪糕車及其他車其實打印了幾個大小先, 才選最有feel的, 唔駛看電腦估估下! 每次產品出來了, 拍在3D首辨旁邊, 都好安慰好特别, 始終用了心機去試去想去決定。
Search